ദുൽഖറിനെ നായകനാക്കി വെങ്കി അറ്റ്ലൂരി തിരക്കഥ എഴുതി സംവിധാനം ചെയ്ത ചിത്രമാണ് ലക്കി ഭാസ്കർ. തിയേറ്ററുകളിൽ ഹിറ്റായ ചിത്രം ഒടുവിൽ ഒടിടിയിലും പ്രദർശനത്തിന് എത്തിയിരിക്കുകയാണ്. ലക്കി ഭാസ്കർ ആഗോളതലത്തിൽ 111 കോടി രൂപയിലധികം നേടിയിട്ടുണ്ടെന്നാണ് കളക്ഷൻ കണക്കുകൾ സൂചിപ്പിക്കുന്നത്.
ഒടിടിയിൽ നെറ്റ്ഫ്ലിക്സിലൂടെയാണ് ചിത്രം എത്തിയിരിക്കുന്നത്. ഒടിടിയിലും മികച്ച അഭിപ്രായമാണ് ദുൽഖർ ചിത്രം നേടുന്നത് എന്നാണ് പ്രതികരണങ്ങൾ തെളിയിക്കുന്നത്. നേരിട്ട പരാജയങ്ങളെയെല്ലാം പഴങ്കഥയാക്കി വമ്പൻ തിരിച്ചുവരവാണ് ദുൽഖർ നടത്തിയതെന്നാണ് റിപ്പോർട്ടുകൾ സൂചിപ്പിക്കുന്നത്. മൗത്ത് പബ്ലിസിറ്റിയുമായതോടെ ചിത്രത്തിന് കൂടുതൽ സ്‍ക്രീനുകൾ ലഭിക്കുകയും ഭാഷാഭേദമന്യേ ഹിറ്റാകുകയും ചെയ്യുകയായിരുന്നു.
മീനാക്ഷി ചൗധരിയാണ് നായികയായി എത്തിയിരിക്കുന്നത്. ചിത്രത്തിന്റെ നിർമാണം സിതാര എന്റർടെയിൻമെന്റസിന്റെ ബാനറിൽ ആണ്. ശബരിയാണ് ദുൽഖർ ചിത്രത്തിന്റെ പിആർഒ.
