കൊച്ചി: നടപ്പു സാമ്പത്തിക വർഷം രണ്ടാം പാദത്തിൽ മണപ്പുറം ഫിനാൻസിന്റെ അറ്റാദായം 572 .1 കോടി രൂപയിലെത്തി. 2.8 ശതമാനമാണ് വർധന. സംയോജിത ആസ്തികളുടെ മൂല്യം 17.4 ശതമാനം ഉയർന്ന് 45,718.8 കോടി രൂപയിലെത്തി. പ്രവർത്തന വരുമാനം 22.1 ശതമാനം വർദ്ധിച്ച് 2633.1 കോടി രൂപയായി. സ്വർണ വായ്പ പോർട്ട്‌ഫോളിയോ 17.1 ശതമാനം വർദ്ധിച്ച് 24,365 കോടി രൂപയിലെത്തി. സെപ്തംബർ 30 വരെ കമ്പനിക്ക് 26.6ലക്ഷം സജീവ സ്വർണ വായ്പാ ഉപഭോക്താക്കളുണ്ട്.

മണപ്പുറത്തിന്റെ ഉപകമ്പനിയായ ആശിർവാദ് മൈക്രോഫിനാൻസിന്റെ ആസ്തി മൂല്യം 10.95 ശതമാനം വർദ്ധനയോടെ 12,149 കോടി രൂപയിലും, അറ്റാദായം 75 കോടി രൂപയിലുമെത്തി. ഭവന വായ്പാ സബ്‌സിഡിയറിയായ മണപ്പുറം ഹോം ഫിനാൻസിന്റെ ആസ്തി മൂല്യം 1,587 കോടി രൂപയിലെത്തി.