ശ്രീനഗർ: ജമ്മു കശ്മീരിലെ ശ്രീനഗർ ഹർവാനിൽ സുരക്ഷ സേനയും ഭീകരരും തമ്മിൽ ഏറ്റുമുട്ടൽ. മൂന്ന് ഭീകരർ ഒളിച്ചിരിക്കുന്നതായി വിവരം ലഭിച്ചതിനെ തുടർന്ന് നടത്തിയ പരിശോധനയ്ക്കിടെയാണ് ഭീകരർ സൈന്യത്തിന് നേരെ ആക്രമണം നടത്തിയത്. സൈന്യത്തിൻറെ പെട്രോളിങ് സംഘത്തിന് നേരെ ഭീകരർ വെടിയുതിർക്കുകയായിരുന്നു. പ്രദേശം പൂർണമായി വളഞ്ഞിരിക്കുകയാണ് സൈന്യം. ഏറ്റുമുട്ടൽ തുടരുകയാണ്. ശ്രീനഗർ നഗരത്തോട് ചേർന്ന മേഖലയാണ് ഹർവാൻ.