ന്യൂഡൽഹി: ഡൽഹി നിയമസഭാ തിരഞ്ഞെടുപ്പ് അടുത്തിരിക്കുന്നതിനിടെ മധ്യവർഗക്കാർക്കുവേണ്ടി പ്രത്യേക പ്രകടനപത്രിക അവതരിപ്പിച്ച് ആം ആദ്മി പാർട്ടി (എ.എ.പി). രാജ്യത്തെ ഇടത്തരക്കാർ കേന്ദ്രസർക്കാരിന്റെ നികുതിഭീകരവാദത്തിന്റെ ഇരകളാണെന്ന് വിശേഷിപ്പിച്ച്, പാർട്ടിനേതാവ് അരവിന്ദ് കെജ്‌രിവാളാണ് പത്രികയിറക്കിയത്.

മധ്യവർഗക്കാർക്ക് പ്രയോജനപ്പെടുന്ന വിധത്തിൽ നികുതിയിളവുകൾ ആവശ്യമാണെന്നും ഇതിനായി എ.എ.പി. പാർലമെന്റിൽ ശബ്ദമുയർത്തുമെന്നും കെജ്‌രിവാൾ പറഞ്ഞു. പൊതുജനങ്ങൾക്ക് നിർദേശങ്ങൾ സമർപ്പിക്കാൻ പോർട്ടലുമിറക്കിയിട്ടുണ്ട്.