ജുബ: ദക്ഷിണ സുഡാനിൽ വിമാനാപകടത്തിൽ ഇന്ത്യക്കാരനുൾപ്പെടെ 20 പേർ മരിച്ചു. ഒരാൾ അദ്ഭുതകരമായി രക്ഷപ്പെട്ടു. എണ്ണക്കമ്പനിയുടെ ചാർട്ടേഡ് വിമാനമാണ് തകർന്നത്. 21 പേരാണ് വിമാനത്തിലുണ്ടായിരുന്നത്. പ്രാദേശിക സമയം ബുധനാഴ്ച രാവിലെ പത്തരയോടെ യൂണിറ്റി സംസ്ഥാനത്ത് എണ്ണപ്പാടത്തിനുസമീപമാണ് അപകടമുണ്ടായത്. പറന്നുയർന്ന ഉടൻ വിമാനം തകർന്നുവീഴുകയായിരുന്നു. എണ്ണക്കമ്പനിയായ ഗ്രേറ്റർ പയനിയർ കമ്പനിയിലെ ജീവനക്കാരാണ് അപകടത്തിൽപ്പെട്ടവരെല്ലാം.