തിരുവനന്തപുരം: സംസ്ഥാനത്ത് സ്വർണവില വീണ്ടും 72,000ന് മുകളിൽ. ഇന്ന് പവന് 600 രൂപ വർധിച്ചതോടെയാണ് സ്വർണവില വീണ്ടും 72,000ന് മുകളിൽ എത്തിയത്. 72,160 രൂപയാണ് ഒരു പവൻ സ്വർണത്തിന്റെ വില. ഗ്രാമിന് ആനുപാതികമായി 75 രൂപയാണ് വർധിച്ചത്. 9020 രൂപയാണ് ഒരു ഗ്രാം സ്വർണത്തിന്റെ വില.
അഞ്ചിന് 73000ന് മുകളിൽ എത്തി വീണ്ടും റെക്കോർഡുകൾ ഭേഭിച്ച് മുന്നേറുമെന്ന് തോന്നിപ്പിച്ച ഘട്ടത്തിലാണ് കഴിഞ്ഞ ദിവസങ്ങളിൽ വലിയ തോതിൽ ഇടിവ് ഉണ്ടായത്. ഏകദേശം 1500 രൂപ ഇടിഞ്ഞ ശേഷമാണ് ഇന്ന് ഒറ്റയടിക്ക് 600 രൂപ വർധിച്ചത്.
ആഗോള വിപണിയിലെ ചലനങ്ങളാണ് സ്വർണവിലയെ സ്വാധീനിക്കുന്നത്. ആർബിഐ നയം, ഓഹരി വിപണിയിലെ മാറ്റങ്ങൾ എന്നിവയും സ്വർണവിലയിൽ പ്രതിഫലിക്കുന്നുണ്ട്.
