തിരുവനന്തപുരം: സംസ്ഥാനത്ത് സ്വർണവില കുറഞ്ഞു. 480 രൂപ കുറഞ്ഞ് ഒരു പവൻ സ്വർണത്തിന്റെ വില 72000 രൂപയായി. ഗ്രാമിന് 60 രൂപയാണ് കുറഞ്ഞത്. 9000 രൂപയാണ് ഒരു ഗ്രാം സ്വർണത്തിന്റെ വില.
കഴിഞ്ഞ കുറെ ദിവസങ്ങളിലായി സ്വർണവിലയിൽ ചാഞ്ചാട്ടം തുടരുകയാണ്. ജൂൺ ഒന്നിന് 72160 രൂപയായിരുന്നു സ്വർണവില. മൂന്നിന് 72,840 രൂപയായി ഉയർന്നെങ്കിലും വീണ്ടും താഴുകയായിരുന്നു.
ജൂൺ 13ന് ഏപ്രിൽ 22ലെ റെക്കോർഡ് സ്വർണവില ഭേദിച്ചിരുന്നു. ഏപ്രിൽ 22ന് രേഖപ്പെടുത്തിയ 74,320 രൂപ എന്ന റെക്കോർഡ് ആണ് തിരുത്തിയത്. തൊട്ടടുത്ത ദിവസവും വില വർധിച്ച് സ്വർണവില പുതിയ ഉയരം കുറിക്കുന്നതാണ് കണ്ടത്. 75,000 കടന്നും കുതിക്കുമെന്ന സൂചനയ്ക്കിടെ പിന്നിടുള്ള ദിവസങ്ങളിൽ സ്വർണവില കുറയുന്ന കാഴ്ചയാണ് ദൃശ്യമായത്.
